PakiISP - Desi Gupshup Community Forums, World Wide Discussion Baords

[Ajnabii]

Ajab Shan Hy Hussain Tmhare Lashkar Ki

Kahan Se Dhoondh K Lain Misaal ASGHAR Ki

Sitara Ab B Fajar Ka Udaas Hota Hy

Sunai Deti Hy Ab Bhi Azaan Akber Ki…



Zikkr-e-Husain aaya tu ankhein chalak parein…

Pani ko kitna payar hay ab bhe Hussain say., . .



Lafzon Mai Kiya Likhun
“SHAHADAT-e-HUSSAIN”

Mohsin…

Qalam Bhi Mera Ro Daita Hay “KARBALA” Ka Manzer Soch Kar.



Jisko Arbab-É-Nazar HaQ ka WaLi kehty Han

§ar-ßa-§ar WaQif-É-Israr-JaLi kehty Hain

Jisko Doba Hua §uraj ß PaLat kar Dekhy

Hm Usy Apny AQeedy Me ALI kahty Han



~ Kon kehta hai, K pani ko tarste the “HUSSAIN”,?

~ Un K honton ko, tarsta raha pyasa pani…

~ Selaab dekhta hon, tu Aata hai yeh ‘Khyal’,

K pani bhatak raha hai,
“Talash_e_Huseen” men.



10 moharm ko chand, sitaray, zamen or janat bani
isi din Firown ghark hua
isi din Hazrat Yosuf(a.s) kunwain se bahir aye
zameen pr pehli barish isi din hui
isi din Hazrat Yaqub(a.s) ki binai lotai gai
isi din Hazrat Yonus(a.s) machli k pait se bahir aye
isi din Hazrat Ibrahim(a.s) or Hazrat Esa(a.s) paida huwe
isi din Hazrat Imam Hussain (A.S) ne shahadt pai



Anjam-e-wafa kya hy Ye s0cha nai krty
Muslim kabi Halaat sy s0da nai krty
Ye Rasm sikhai hy HUSSAIN IBN-ALI ny
Sir Sajdy men h0 t0 teer0n ki Parwah nahi karty.



Hussaniyat k Alam jab b buland hote hen,,
To phir jahan main ruswa yazeed hoty hen,,
Azeem bap ki beti bta gai Mohsin,,
HUSSAIN wale hamesha shaheed hote hain..



“¥e Keh Ker Farishto’n Se
“JANNAT” Main Chala Jao’n Ga,

“HUSSAIN” Ke Qadmo’n Ke
Nishaa’n Dhoond Raha Hoon..”



Jannat Ki Aarzu Mein
Kahan Ja Rahe Hain Log

Jannat To Karbala Mein
Khareedi HUSSAIN Nai

Dunya-o-Aakhrat Mein
Jo Rehna Ho Chain Sy

Jeena ALI (R.A) Se Seekho
Marna HUSSAIN (A.S) Sy



Nijat ki jab bhi appeal karna,

HUSSAIN ko apna wakeel karna,

Agar Sar ke badle HUSSEIN mile,

To Zindagi na taveel karna.



Phir aaj haq ke liay Jaan fida kere koi,

Wafa bhi Jhoom uthe yun wafa kere koi,

Namaz 1400 saalon se intezar mein hai,

HUSSAIN ki tarah mujh ko ada kere koi



Sajday Sai Karbala Ko Bandagi Mil Gai,
Sabar Sai Ummat Ko Zindagi Mil Gai,
Ek Chaman FATIMA(S.A) Ka Ujra,
Magr Sarai Islam Ko Zindagi Mil Gai



Hassan ko Badshah khas-o-Aam kehte hain,
Ali ka Naaib o Qaim Muqaam kehte hain,
Daleel aik hi kaafi hai unki Azmat mein,
Unhe Hussain bhi apna Imam kehte hain



Zaroorat Thi Talwar Ki Na He Kisi Hathiyar Ki,
Sirf Ek Dua Thi Karbala Main Alamdar Ki,
Faqat Mil Jaye Ijazat Aaqa Hussain Sai,
To Yaad Dila Dunga Jung Haider-e-Karrar Ki



Firon Ko Seedha Kabhi Chalte Nahi Dekha,

Girtay Huay Dekha Per Sambhalty Nahi Dekha,

Asghar Ki Tarah Maqsad-e-Islam Ki Khatir,

Itna Kisi Bachay Ko Machalte Nahi Dekha



Shah Ast Hussain, Badshah Ast Hussain,
Deen Ast Hussain, Deen Panah Ast Hussain,
Sar Dad, Na Dad Dast, Dar Dast-e-Yazeed,
Haqaa Key Binaey La Ila Ast Hussain



Ghuroor toot gaya mgr koi martaba na mila,

Sitam ke baad bhi kuch hasil e jafa na mila,

Sir-e-Hussain mila hai yazeed ko lekin,

Shikast yeh hai ke phir bhi jhuka hua na mila…



Bayt Ya Sir Yehi Tha Taqaza Yazeed Ka,
Mayus To Hussain ne Usko Bhi na Kya,
Bayt Na Ki Hussain Ne, Sir De Dya Usai,
Is Sar Se To Yazeed Bhi Khali Nahi Gaya



Ta Hashr Ye Khayal Mere Dil Ka Chain Hai

Mohsin Meri Nijaat Ka Zamin Hussain Hai

[Malaika Ali]

buhat hi nice sharing ki aap ne

Allah bless you forever Ameen.....!


Thankyou for sharing keep it upp...!

[Ajnabii]