PakiISP - Desi Gupshup Community Forums, World Wide Discussion Baords

[Ajnabii]

Ya Allah Madine Mein KABHI ramadan Dekha

Marhaba Marhaba! Phir Aamad-e-Ramadan Hai!
Khil Uthe Murjae Dil Taza Hua Iman Hai!

Abr-e-Rahmat Chha Gaya Hai Aur Saman Hai Noor Noor!
Fadal-e-RAB Se Maghfirat Ka Ho Gaya Saman Hai!

Bhaio Behano! Karo Sab Naikion Par Naikian!
Par Gaye Dozkh Pe Tale Qaid Mein shaitan Hai!

Kam Hua Zor-e-Gunah Aur Masjidein Aabad Hain!
Mah-e-Ramadan-ul-Mubarak Ka Ye Sab Faizan Hai!

Rozadaro! Jhoom Jao Keun-K Deedar-e-KHUDA!
Khuld Mein Hoga Tumhein Ye Wa’ada-e-RAHMAN Hai!

Do Jahan Ki Nematein Milti Hain Rozadar Ko!
Jo Nahi Rakhta Roza Wo Bara Nadan Hai!

Ya ALLAHI! TU Madine Mein Kabhi Ramadan Dikha!
Mudaton Se Dil Mein Ye Attar K Arman Hai!

[Malaika Ali]

JazakaALLAH buhat hi nice post ki aap ne ALi

Thankyou for sharing with us.....!